Maathag para kay House Committee on Appropriations Chairman kag Ako Bicol Partylist Representative Zaldy Co nga epektibo ang mga tikang sang administrasyon ni Presidente Ferdinand “Bongbong” Marcos Jr. para mapanubo ang presyo sang mga balaklon.
Suno kay Co, pamatuod sini ang inflation rate sang Setyembre nga nagdangat sa 1.9% nga pinakamanubo sa sulod sang apat ka tuig base sa Philippine Statistics Authority (PSA).
Dugang pa ni Co, nagpabaskog sa suplay kag presyo sang mga balaklon ang mahusay nga whole-of-government approach sang Marcos administration kalakip ang pagtapyas sa taripa sa imported nga bugas.
Ginmentionar man ni Co ang pagprayoridad ni PBBM nga makuha ang seguridad sa pagkaon, masuportahan ang mga mangungma, kag mapabaskog ang produksyon sa sektor sang agrikultura.
Suportado man ni Co ang hirit sang National Economic and Development Authority (NEDA) nga dugang nga pamumuhunan sa agricultural infrastructure agud mapatikasog ang irrigation systems, magkatukod sang bastante nga post-harvest facilities, kag mahatagan sang access ang mga mangunguma sa dekalidad nga binhi kag modern nga teknolohiya.
