ROXAS CITY – Nagtingub pwersa ang nagkalain-lain nga ahensya sang gobyerno kadungan subong nga Eastern Sunday.
Pila sa mga ahensya nga yara ang presensya amu ang katapo sang Bureau of Fire Protection nga may 15 ka miyembro, Philippine Coast Guard 15, Philippine Coast Guard Auxilliary 10, Philippine National Police 14, PNP Maritime 6, Emergency Response Unit 5, Capiz Emergency Response Team 23, City Health Office 6, Traffic Management Unit 12, Local Government Baybay 10, Dumulog 5, Cogon 5, Punta Cogon 5, Talon 5, Culasi nga may 10 ka mga official kung sa diin may kabug-usan nga 154 tanan nga mga indibidwal.
Mahibaluan nga madamo nga mga pumuluyo nga nagikan sa segundo distrito subong man sa primero distrito ang nagpadulong sa baybay agud magpaligo, magtililipon kaupod ang ila tagsa ka pamilya, kag abyan.
Sa pihak sang nagatagiti nga silak sang adlaw, masadya nga nagahilinigyaw ang mga tawo nga nagapaligo, ang iban nagaluto, nagakanta kag nagasugilanon.
Ginkuha man ini nga tion sang kadam-an matapos ang pagsaulog sang puasa kun sa diin pagdumili sa pagkaon sang karne, pagkinasadya, pag-inum sang makahulubog nga ilimnon kag pagbyahe.
