Nagpasalamat ang Philippine National Police kalakip ang tanan nga Police Regional Offices, National Support Units, PNP Corps of Officers, kag PNPA Lakans kay Presidente Ferdinand R. Marcos Jr. matapos palawigon ang termino ni PNP Chief Police General Rommel Francisco Marbil.
Suno sa PNP, ginapakita sang desisyon sang Presidente ang suporta sa pagpabaskog sang law enforcement kag paghatag sang importansya sa disiplina kag integridad sang mga pulis.
Sa idalom sang termino ni Gen. Marbil, maganubo ang crime rate kag nangin mas madasig ang mga aksyon sa mga bag-o nga pagpamahog sa seguridad.
Napabaskog man ang relasyon sang pulisya sa mga komunidad pinaagi sang ginpasanyog nga police visibility kag proactive engagements sang pulisya.
Una na nga gin-athag ni Marbil nga tuman nga nagpasalamat sa padayon nga salig kag kumpyansa sa iya ni PBBM kun sa diin magamit sini ang apat ka bulan nga term extension para mas ilabi pa nga mapreparahan ang nagahilapit nga 2025 midterm elections.
