ROXAS CITY – Lipong nga ginpadangat sa Roxas Memorial Provincial Hospital (RMPH) ang isa ka hubog nga lalaki matapos nga ginpulihan kastigo, mga alas-9:45 kagab-i sang Miyerkules, sa Roxas Avenue, Roxas City.
Ginkilala ang biktima kay Brandon Paclibar, 31-anyos, tricycle driver kag residente sang Passi City.
Sandig sa inisyal nga imbestigasyon sang mga katapo sang Roxas City PNP, nga ba-se sa panaysayon ni James Bechayda, security guard sang isa ka establisiyemento komersyal sa lugar, nga nadiparahan sini nga gintinuntuhan ni Paclibar ang service car sang ginatrabahuan sini nga edipisyo, apang nagpadulong ang biktima sa pihak nga dalan kag ginaalegar nagpanghangkat sang inaway.
Dugang pa diri nga ginlagas ang biktima sang duha ka mga lalaki nga sanday alyas “Mac-mac” kag “Buknoy” nga mga ginapahayag manugbaligya sang fried chicken.
Bangud sini, ginpatawgan ni Bechayda sang kapulisan kag natigayon nga madapatan sang pauna nga pagbulong ang biktima sang mga katapo sang CERT antes ginpadangat sa ospital.
Sa karon,nagapadayon ang imbestigasyon sang mga kapulisan kag sa paglalip sang mga nagpuli kastigo sa hubog nga biktima.
