Nagsaka na sa 17 ang bilang sang mga nasawi sa trahedya nga pagguho sang isa ka ginatukod nga gusali sa Angeles City, Pampanga samtang padayon ang search kag retrieval operations sang mga otoridad.
Suno sa mga otoridad, padayon ang pagkuha sang mga bangkay sa idalom sang nagkalatumpag nga konkreto kag bakal samtang ginapangita pa ang iban nga posible nga natabunan sang guho. Nagabulig man ang nagkalain-lain nga ahensya sang gobyerno sa operasyon agud mapadasig ang retrieval efforts.
Matandaan nga nagguho ang siyam ka andana nga gusali nga yara pa sa idalom sang konstruksyon sang nagligad nga semana, nga nagresulta sa madamo nga biktima kag daku nga rescue operation sa lugar. Padayon pa nga ginaiimbestigaran sang mga otoridad ang posible nga kabangdanan sang insidente.
