Nahamtangan sang naglugdang nga M/V Trisha Kerstin 3, natumod na; numero sang mga napatay, nagdangat na sa 43

Natumod na sang Philippine Coast Guard (PCG) ang lokasyon sang M/V Trisha Kerstin 3.

Suno sa PCG, nakit-an ang barko sa idalum sang dagat sa Baluk-Baluk Island.

Dugang pa sini nga may nakita man nga bangkay ang joint search and rescue team nga ginabug-usan sang mga ahensya sang gobyerno kag mga boluntaryo nga mangingisda.

Sa subong, nagdangat na sa 43 ang napatay sa nasambit nga insidente samtang nagapabilin sa 316 ang mga survivors.

Matandaan nga naglugdang ang sakayan sa kadagatan sang Basilan sang kaagahon sang Enero 26 rason nga ginpauntat sang Maritime Industry Authority (MARINA) ang operasyon sang Aleson Shipping Lines, ang kumpaniya nga nagapanag-iya sang nasambit nga sakayan.