Mas mataas sa karon ang passing rate sa CPC College of Law ikumparar sa nakaligad nga tuig.
Ini ang ginpahayag ni Atty. Maria Leobeth B. Deslate-Delicana, pinuno sang Academics and Bar Operations, sa nasambit nga bulothoan, sang mainterview sang Bombo Radyo.
Ginkumpirmar sini nga yara sa 16 tanan ang mga nakapasar sa nagkuha sang amo pasinawan.
Bangud sa ila gin-imprubar nga sistema sang ila pagtulon-an nasiguro nila ang good quality education sang ila bulothoan pinaagi sa pagpatuman sang retention policy.
Sa pagkamatuod, ginpahayag ni Delicana nga may mga naga-enrol sa College of Law bangud madamo sang posisyon sa gobyerno nga mas ginapili ang mga naggradwar sa law.
Apang tinutuyo sang amo nga bulothoan nga maayo ang ila mahulma rason nga mas hugot ang ila pag-implementar sang pagsulondan.
Ginpakigbahin man ni Atty. Delicana, nga sadto anay may yara sang 1 ukon 2 lamang ka mga Bar passers sa CPC, apang sa karon, mas mataas na ini.
