-- ADVERTISEMENT --
Nag-abante sa final sang women’s 800-meter athletics event ang Filipino runner nga si Naomi Cesar matapos nagtapos sa ikatlo nga pwesto sa iya heat sa 4th Youth Olympic Games sa Dakar, Senegal.
Si Cesar nakarekord sang 2 minutos kag 20.16 segundos sa qualifying round sa Complexe Iba Mar Diop Stadium.
Suno kay Philippine Track and Field Association Secretary-General Jasper Tanhueco, may tsansa nga makakuha sang medalya si Cesar base sa iya personal best nga 2:06.24 nga amo man ang record sang Pilipinas.
Hiwaton ang final ala 1:10 sang kaagahon buwas, Martes, oras sa Pilipinas.
Matandaan nga si Cesar ang nagdaug sang gold medal sa 800-meter event sang 2025 Southeast Asian Games kag silver medal sa Asian Youth Games sang nagligad nga tuig.
-- ADVERTISEMENT --
