ROXAS CITY – Nagaguwa sa imbestigasyon sang roxas city fire station nga bangud sa napabay-an nga nakasindi nga katol sa idalum sang katre ang gintunaan sang sunog sa Sitio Suol, Barangay Tanque, Roxas City.
Ini ang ginkumpirmar ni SFO1 Albert Amago, Fire and Arson Investigator sang Roxas City Fire Station sang mainterview sang Bombo Radyo.
Suno diri, nagikan ang kalayo sa kwarto ni Fabiana sa diin nahamtang ang nakasindi nga katol.
Bangud sini, naglab-ot sa mas o menus P50,000 ang nangin kahalitan sang nasambit nga sunog.
Matandaan nga tatlo ka miyembro sang pamilya ang napilasan matapos nga ginsalbar sang mga ini ang ila mga kaupdanan sa nasunog nila nga puluy-an.
Samtang, gindeklarar naman nga totally burned ang 3 ka balay nga lunsay human sa mixed light kag concrete materials.
