-- ADVERTISEMENT --
Gin-anunsyo sang Philippine Sports Commission (PSC) nga umpisa sa masunod nga bulan, magabaton sang dugang nga P5,000 ang tanan nga national athletes sa ila bulanan nga sweldo.
Suno kay PSC chairman Patrick Gregorio, gin-aprubahan na sang PSC board ang pagpatuman sang cross-the-board salary increase.
Gindugang sini nga tion na nga hatagan sang dugang nga allowance ang mga atleta kag coaches bangud labaw pa sa minimum wage sa pungsod ang P10, 000 nga allowance.
Nagpaguwa man sang advisory si Atty. Guillermo Iroy, OIC executive director para sa sports agency sang gobyerno nga mabaton na ang dugang nga allowance sa masunod nga bulan.
