Gina-imbestigaran na sang National Bureau of Investigation (NBI) ang ginaalegar online death threats batuk kay Senador Risa Hontiveros.
Suno kay NBI Director Atty. Melvin Matibag, nagpangayo na sang bulig ang kampo sang senador kag ginahulat na lang nila ang pormal nga dokumento may kaangtanan sa kaso.
Dugang pa ni Matibag nga may yara na sila sang persons of interest nga natumod base sa mga post sa social media nga may unod nga ginaalegar pamahog.
Una na nga gin-anunsyo ni Hontiveros nga madamo siya sang nabaton nga death threats kag comments nga nagasiling nga siya na ang “masunod,” kasunod sang kamatayon sang political vlogger nga si Mima Alicia.
Nagpanawagan ang senador sa mga social media platforms kag law enforcement agencies nga pasangkaron ang aksyon batok sa mga pamahog sa online kag pasabton ang mga yara sa likod sang mga pamahog.
