Ginhingyo sang National Bureau of Investigation (NBI) si anay Ako Bicol Party List Representative Zaldy Co kag ang tanan nga iban pa nga mga kaupod nga akusado nga magsungka.
Suno kay NBI Officer-in-charge Director Atty. Angelito Magno, samtang isa pa ka option kag indi consequence ang surrender, nagakadapat nga himuon ini sang akusado.
Suno sa iya, ang mga mandamiento de aresto aktibo pa kag ang ila mga grupo nagahulag na kag ang ganhaan para sa ila madasig nga nagasirado.
Dugang pa sang opisyal sang NBI nga sa kasuguan, wala sang “later” kundi compliance ukon pagpilit lang.
Ginpanindugan man sang opisyal nga mas mahapos ang proseso kun boluntaryo ang ginahimo apang mas grabe kun ginapursige.
Gani dapat atubangon sang mga akusado ang warrant of arrest batuk sa ila.
Mas maayo suno sa iya nga atubangon ang hustisya kaysa magpalagyo.
Gin-engganyo man sang hepe sang NBI si Co nga magsungka matapos nga gin-anunsyo mismo ni Presidente Ferdinand Marcos Jr. sini nga may ginpaguwa na nga arrest warrant batok sa mga akusado sa maanomaliya nga mga flood control projects.
