-- ADVERTISEMENT --
Ginhimo nga 24/7 sang National Bureau of Investigation (NBI) ang manhunt operations para madakop ang controversial nga negosyante nga si Atong Ang.
Ginkumpirma ni NBI Director Angelito Magno nga mas ginpalapad sang ila ahensya ang dragnet kag surveillance operations.
Suno sa iya, ginatutukan sang mga otoridad ang mga exclusive hotels kag casino kun sa diin posible nagapanago ukon ginatago ang gaming tycoon.
Pahayag pa niya, maid-id nga gina-verify ang mga intelligence report nga nagasulod sa ila opisina agud matun-an ang eksakto nga lugar ni Ang.
Nagpasalig man ang natungdan nga indi magpundo ang ila pwersa kag gamiton tanan nga resources sang ahensya tubtob nga madakop ang ginakabig nga pugante nga negosyante.
-- ADVERTISEMENT --
