Ginahanda na sang National Bureau of Investigation (NBI) ang paghatag sang seguridad sa arraignment sang anay tiglawas sang Negros Oriental nga si Arnolfo Teves.
Gintalana subong nga adlaw sang Manila Regional Trial Court (RTC) Branch 12 Judge Renato Enciso ang arraignment kag pre-trial conference para sa illegal possession of firearms and explosives case.
Ginpahayag ni NBI Director Jaime Santiago nga ginahulat man nila ang mandu sang korte matapos nga nag-file ang ila abogado nga si Atty Ferdinand Topacio nga kun mahimo, dapat magtambong lang sa online hearing si Teves.
Nakahanda na ang pila ka mga personnel sang NBI nga magdul-ong kay Teves halin sa NBI facility sa Bureau of Corrections compound sa Muntinlupa City padulong sa Manila RTC.
Ginahulat man sang NBI ang commitment orders gikan sa anum ka korte nga naga-uyat sang kaso ni Teves. Una na nga nagpaguwa sang commitment order ang Manila RTC Branch 12 nga nagamando nga ipasulod sa Manila City Jail si Teves
