Ginapangita na sang National Bureau of Investigation (NBI) ang mga yara sa likod sang pag-hack sang pila ka mga website sang gobyerno sa pungsod matapos ang ginreport nga cyber-attack.
Suno kay NBI Director Melvin Matibag, may natumod na sila nga posible nga mga tawo nga involved sa amo nga insidente kag padayon ang imbestigasyon agud mapasabat ang mga ini sa kasuguan.
Una diri, gin-claim sang grupo nga “Nullsec Philippines” ang hacking kun sa diin gin-alegar gin-islan nila ang pila ka bahin sang website kag nagbilin sang mga mensahe batuk sa Senado kag sa gobyerno.
Samtang, gin-athag naman sang Cybercrime Investigation and Coordinating Center (CICC) nga wala sang sensitibo nga data nga nakuha ang mga hackers kag public websites lamang ang apektado, samtang padayon ang imbestigasyon agud matapna ang amo man nga insidente.
