Padayon nga ginapamatud-an sang National Capital Region (NCR) ang ila dominasyon sa nagapadayon nga Palarong Pambansa 2026 nga ginahiwat sa Agusan del Sur.
Base sa pinakaulihi nga medal tally (partial and unofficial result), mapag-on nga yara sa una nga pwesto ang NCR matapos makakuha sang kabug-usan nga 61 ka medal nga may 25 ka gold, 15 ka silver kag 21 ka bronze.
Ginasundan ini sang Region IV-A (CALABARZON) nga yara sa ikaduha nga pwesto nga may 18 ka gold, 16 ka silver, kag 10 ka bronze, nga may kabug-usan nga 35 ka medal.
Samtang nagapangatlo naman ang Region VII (Central Visayas) nga may 13 ka gold, 12 ka silver, kag 10 ka bronze, samtang ika-apat naman ang Region VI (Western Visayas) nga may 9 ka gold, 14 ka silver, kag 10 ka bronze.
Sulod man sa top 10 ang mga delegasyon halin sa Negros Island Region (NIR) nga may 7 ka gold, 6 ka silver, kag 3 a bronze, Region V Bicol Region, nga may 7 ka gold, 5 ka silver, kag 6 ka bronze, Region X (Northern Mindanao) nga may 6 ka gold, 8 ka silver, kag 9 ka bronze, Region XI Davao Region nga nay 5 ka gold, 10 ka silver, kag 5 ka bronze, (Central Luzon) nga may 5 ka golds, 6 ka silver, kag 5 ka bronze, Region VIII (Eastern Visayas) nga may 5 ka gold, 5 ka silver kag 8 ka bronze, kag Region XIII Carraga Region nga may 5 ka gold, 3 ka silver kag 14 ka bronze.
Sa subong, ang Association of Philippine Schools Overseas (APSO) ang nagaisahanon nga pinasahi nga delegasyon nga wala pa makakuha sang medalya sa kompetisyon.
Ginalauman man nga magabag-o ang standings sang mga teams sa masunod nga mga inadlaw samtang nagapadayon ang hampang sa nagkalain-lain nga sports fields.
