Padayon nga ginapamatud-an sang National Capital Region (NCR) ang ila dominasyon sa nagapadayon nga Palarong Pambansa 2026 nga ginahiwat sa Agusan del Sur.
Base sa pinakaulihi nga medal tally (partial and unofficial result), mapag-on nga yara sa una nga pwesto ang NCR matapos makadaug sang kabug-usan nga 48 ka medal nga ginabug-usan sang 20 ka gold, 11 ka silver kag 17 ka bronze.
Ginasundan ini sang Region IV-A (CALABARZON) nga yara sa ikaduha nga pwesto nga may 13 ka gold, 13 ka silver, kag 9 ka bronze, nga may kabug-usan nga 35 ka medal.
Samtang nagapangatlo naman ang Region VII (Central Visayas) nga may 8 ka gold, 8 ka silver, kag 7 ka bronze, samtang ika-apat naman ang Region VI (Western Visayas) nga may 7 ka gold, 10 ka silver, kag 10 ka bronze.
Sulod man sa top 10 ang mga delegasyon halin sa Region V (Bicol Region) nga may 7 ka gold, Negros Island Region (NIR) nga may 7 ka gold, Region III (Central Luzon) nga may 5 ka golds, Region X (Northern Mindanao) nga may 4 ka gold, Region VIII (Eastern Visayas) kag Region XI (Davao) nga may 4 gold (Davao) Rehiyon) nga may 3 ka Gold.
Sa subong, ang Association of Philippine Schools Overseas (APSO) ang nagaisahanon nga pinasahi nga delegasyon nga wala pa makakuha sang medalya sa kompetisyon.
Ginalauman nga magabag-o ang standings sang mga teams sa masunod nga mga inadlaw samtang nagapadayon ang hampang sa nagkalain-lain nga sports fields.
