Nakuha sang National Capital Region (NCR) ang Palarong Pambansa 2026 championship matapos nga nagpanguna sa overall delegation rankings sa awarding ceremony nga ginhiwat sa probinsya sang Agusan del Sur.
Bilang overall champion, nakakuha sang 91 gold, 71 silver, 71 bronze ang NCR nga nakabaton sang trophy kag P200,000 nga cash prize.
Nagpangaduha naman ang Calabarzon Region IV-A nga may 55 gold, 50 silver, 60 bronze, kag nakabaton sang trophy kag P150,000 nga cash prize, samtang nagapangatlo naman ang Region XI Davao Region nga may 34 gold, 32 bronze nga nakabaton sang trophy kag P100,000 nga cash prize.
Sa ika-apat nga pwesto amo ang Region VII Central Visayas nga may 32 gold, 30 silver, 44 bronze nga nakabaton sang certificate kag P50,000 nga cash prize.
Samtang ang Region VI Western Visayas ang nagkumpleto sa Top 5 nga nakakuha sang 31 gold, 36 silver 45 broze nga nakabaton man sang certificate kag P50,000 nga cash prize.
Daku man ang pagpasalamat ni DepEd Secretary Sonny Angara sa gobyerno probinsyal sang Agusan del Sur sa madinalag-on kag manami nga pag-host sang Palarong Pambansa.
Ginpasalamatan man sini ang mga atleta, coaches, mga ginikanan kag iban pa nga katapo sang mga delegasyon nga nangin kabahin sang kadalag-an sang sporting event.
Sa pagtakop sang Palarong Pambansa 2026, ginpakita sang mga student-athletes ang ila ikasarang, disiplina, kag sportsmanship sa bug-os nga semana sang kompetisyon nga gintambungan sang linibo ka mga atleta, mga coach, kag mga opisyal gikan sa nagkalainlain nga bahin sang pungsod.
