Bastante ang supply sang bugas para sa palaabuton nga tig-ululan suno kay National food Authority Administrator Larry Lacson.
Ginhimo ni Lacson ang pahayag antes ang inspeksyon ni Presidente Ferdinand Marcos Jr sa isa ka bodega sang NFA sa San Ildefonso, Bulacan.
Suno kay Lacson, nangin posible ini nga sitwasyon bangud sa padayon nga pagbakal sang humay sang NFA sa mga lokal nga mangunguma.
Nagalaum si Lacson nga malab-ot sang pungsod ang 100 porsyento nga rice sufficiency kag malikawan ang imports.
Ang reserba sang bugas sang pungsod 20 porsyento lamang sang kinahanglanon sang pumuluyo.
Sang Abril, gin-anunsyo sang Department of Agriculture ang tuyo sini nga buhinan ang importasyon sang bugas bangud sa pag-uswag sang lokal nga produksyon, maayo nga panahon, kag mas mataas nga natipon nga stocks.
Suno sa datos gikan sa Bureau of Plant Industry, ang importasyon sang bugas naglab-ot sa pinakamataas nga 4.8 milyones metriko tonelada sang nagligad nga tuig, nga naglabaw sa nauna nga pinakamataas nga 3.8 milyon metriko tonelada sang 2022.
