Ginsiguro sang tagdumalahan sang Philippine Statistics Authority kag Department of Social Welfare and Development nga ila igapadayon ang National ID authentication services para sa mga benepisyaryo sang 4Ps sa pungsod.
Sa isa ka pahayag, ginsiling ni PSA Undersecretary Claire Dennis Mapa, National Statistician and Civil Registrar General ang nasambit nga desisyon resulta sang ginhiwat nga meeting sang PSA kag DSWD.
Suno sa opisyal, ang tanan nga miyembro sang 4Ps sa pungsod magapaidalum sa identity verification.
Ini ang pamaagi sa scanning procedure sang ila fingerprint agud magparehas sa ila National ID registry.
Base sa datos sang ahensya as of June 14, 2024, nagdangat na sa 2,00,059 4Ps beneficiaries ang madinalag-on nga na-authenticate gamit lamang ang National ID.
