TABUK CITY, Kalinga – Ginpalig-on sang National Museum kag mga lokal nga opisyal sa Kalinga ang ila paninguha sa pag amlig kag pagpreserbar sang Elephant Hill archaeological site nga nahamtang sa Sitio Greenhills, Barangay San Pedro, banwa sang Rizal.
Nagpatigayon sang ocular inspection ang isa ka composite team sang Hunyo 8 hugot nga gin-inspection ang lugar para mahibaluan ang mga kinahanglan nga tikang para sa proteksyon sini.
Nag-upod sa inspeksyon si Rizal Mayor Karl Baac kag representante sang National Museum, Provincial Government sang Kalinga, Department of Environment and Natural Resources “DENR”, Department of Agrarian Reform “DAR”, Philippine National Police “PNP”, kag iban pa nga lokal nga opisyal.
Sa padayon nga pagpakig-angot nahibaluan nga ginaatubang sang lugar ang risgo pareho sang wala sang permiso nga earth balling, pagpangawat sang artifact, land conversion, kag iban pa nga aktibidad nga mahimo mkahalit sa makasaysayon kag kultural nga importansya sini.
Pahayag sang National Cultural Treasure ginakabig, ang Elephant Hill nga makahatag sang ebidensya sang pinakauna nga aktibidad sang tawo sa Pilipinas matapos makuha sa lugar ang mga gamit nga bato kag mga fossil sang nagkalamatay na nga mga sapat nga ginapatihan nagaabot na sang kapin 700,000 ka tuig.
Dugang pa sa plano man sang opisyal sang Kalinga nga magpatukod ang lokal nga research center kag museum sa banwa sang Rizal agud mapakita sa publiko ang importansya nga nadiskubrehan sa lugar.
Sa karon base sa eksperto, ang narekober nga fossil kag stone tools nagapamatuod nga mas una pa gid ang presensya sang tawo sa Pilipinas sang sa una nga ginapatihan, nga nagabag-o sa kasaysayan sang migrasyon sang tawo sa Southeast Asia.
