Ginapatuman sang Department of Health kaupod ang Provincial Health Office kag Provincial Veterinary Office ang National Rabies Prevention and Protection Program agud mabuhinan ang mataas nga kaso sang rabies sa probinsya.
Sa interview sang Bombo Radyo kanday Dr. Cheyslee Descalsota, Veterinary III sang Provincial Veterinary Office kag Nurse Jeiel Mark Ledesma, Nurse III sang Provincial Health Office, ila ginpahayag nga tinutuyo sang sini nga lihok ang maproteksyunan kag mapalapad ang ihibalo sang publiko nahanungod sa rabies.
Suno sa ila, sa idalum sang sini nga programa magahatag sang technical assistance ang mga nasambit nga talatapan kaangay sang pagtukod sang animal bite center ukon animal treatment center agud mahatagan sang nagakaangay nga bulig ang mga mabiktima sang rabies santo sa guidelines sang Department of Health.
Dugang pa sang mga natungdan, ila ginahingyo nga mangin responsable kag hatagan sang insakto nga bakuna kag pag-atipan ang mga kasapatan agud malikawan ang nasambit nga hitabo.
