ROXAS CITY – Ang Department of Human Settlements and Urban Development (DHSUD) ang magahiwat sang National Shelter Month nga ginabug-osan sang nagkalain-lain nga ahensya kaangay sang National Housing Authority (NHA) Social Housing Finance Corporation (SHFC) kag Human Settlements Adjudication Commission (HSAC).
Sa interview sang Bombo Radyo kay Engr. Rizalino Cabahug, acting Regional Director sang National Housing Authority (NHA), suno diri, ini nga month-long celebration ang may tema “Ligtas at Matatag na Tahanan at Pamayanan: Kanlungan sa Gitna ng Pandemya at Nababagong Panahon.”
Diri sa probinsya sang Capiz, may pagahiwaton nga pila ka mga aktibidad ang ahensya kun sa diin ang NHA ang mag-coordinate sa Local Government Unit (LGU).
Tinutuyo sang pagahiwaton nga exhibit amu ang makaangkon sang ihibalo ang mga pumuluyo kag makaangkon sang disente nga puloy-an pinaagi sa NHA.
Pagahiwaton ang exhibit sa Oktubre 22-24, 2021, sa isa ka dako nga mall sa Pueblo de Panay, Brgy. Lawaan, Roxas City.
