Nationwide active attack drill sa mga eskwelahan, pagahiwaton sa Setyembre 3, 2026 – DepEd 6

Pagahiwaton sa mga eskwelahan ang Active Attack Drill sa Setyembre 3, 2026.

Ini matapos kanselahon sang Department of Education (DepEd) ang nationwide drill nga kuntani ipatuman buwas, Agosto 25.

Sa interview sang Bombo Radyo kay Mr. Hernani Escullar Jr., spokesperson sang Department of Education Region 6, iya ginpahayag nga padayon gihapon ang preparasyon sang ahensya para sa amo nga drill.

Suno kay Escullar, nationwide gihapon ang pagpatuman sang drill sa amo nga adlaw.

Dugang pa sini, magakoordinar ang DepEd sa mga local law enforcement agency agud mangin organisado nga pagpatuman sang Active Attack Drill.