Nagpakita sang matibay nga comeback ang Cleveland Cavaliers matapos nila mapirdi ang Detroit Pistons, 117-113 sa overtime sa Game 5 sang Eastern Conference semifinals sang NBA Playoffs. Bangud sini, nag-angkon sang 3-2 nga abanse ang Cavaliers sa serye.
Nanguna sa opensa si James Harden nga nagtala sang 30 points, walo ka rebounds kag anum ka assists, samtang si Donovan Mitchell nagdugang sang 21 points lakip na ang pito ka puntos sa overtime. Daku man ang nabulig nanday Max Strus kag Evan Mobley para sa Cavaliers.
Bisan pa sang mabaskog nga performance ni Cade Cunningham nga may 39 points para sa Pistons, wala gihapon ini nakapugong sa late-game rally sang Cavaliers.
Nakabawi ang Cleveland gikan sa siyam ka points nga deficit antes matapos ang regulation kag nagpadayon ang momentum nila sa overtime.
Bangud sa ila kadalag-an, isa na lang ka daog ang kinahanglan sang Cavaliers agud makasulod sa Eastern Conference Finals. Pagahiwaton ang Game 6 sa masunod nga Biyernes sa Cleveland.
