Nagtaliwan na ang NBA Hall of Famer Dikembe Mutombo sa edad nga 58-anyos.
Ginkumpirma ni NBA Commissioner Adam Silver ang pagtaliwan ni Mutombo bangud sa brain cancer.
Ginpahayag ni Silver nga indi makalimtan ang pagiging mayad ni Mutombo sa depensa ilabi na sa pagiging greatest shot blockers kag defensive players sa kasaysayan sang NBA.
Nangin eight-time NBA All-Star player ini kag apat ka beses ini nga nagdaug sang Defensive Player of the Year award.
Sumugod 1991 tubtob 2009 sang naghampang ini sa NBA sa grupo sang Denver Nuggets, Atlanta Hawks, Philadelphia 76ers, New Jersey Nets, New York Knicks kag Houston Rockets.
Samtang ini ang naghampang, ginbuligan niya ang mga pumuluyo niya sa Democratic Republic of the Congo.
Nagtukod siya sang foundation sadtong 1997 kasubong man nga nagbukas siya sang mga eskwelahan kag ospital pamaagi sa charity.
Nagserbe siya bilang una nga Global Ambassador sang NBA.
Sadtong Oktubre 2022 sang gin-anunsiyo niya nga nagapabulong siya sang iya sakit nga brain tumor.
