Ginbuyagyag ni NBA Hall of Famer Dwayne Wade nga gin-operahan ini agud makakas ang cancerous tumor sa iya nga kidney.
Ginpahayag sang 43-anyos nga NBA star nga natabo ang operasyon sadto pa nga Disyembre 2023.
Nakit-an sini nga nag-angkon sang pagbag-o sa iya nga pag-ihi kag nakabatyag ini sang pagpangluya kag paghinay sang iya hulag rason nga nagpakunsulta ini sa doctor.
Gilayon ini nga gin-operahan sang doctor agud indi na maglala pa ang iya ginabatyag.
Ginkakas suno diri sang mga doctor ang yara sa 40 percent sang iya nga tuo nga kidney.
Tuman ang pagpasalamat sini bangud naagapan ang paglapta sang sakit.
Tuig 2023 sang ginkilala bilang Naismith Hall of Fame si Wade matapos ang 16 ka tuig nga paghampang sa NBA.
Naghampang ini sa Chicago Bulls, Cleveland Cavaliers kag Miami Heat.
May ara ini sang average nga 22 points, 5.4 assists, 4.7 rebounds kag 1.5 steals.
