-- ADVERTISEMENT --
Wala napunggan ni NBA star Vince Carter nga maghibi sang iya mahibaluan nga plano sang Toronto Raptors nga i-retire ang iya jersey subong nga season.
Ginhimo ni Raptors president Masai Ujiri ang anunsiyo kun sa diin ila nga igasab-it ang number 15 nga jersey ni Carter sa Scotiabank Arena.
Patigayunon ang retirement ceremony sang 47-anyos nga NBA star sa bulan sang Nobyembre kag indi lamang Raptors ang magapatigayon sang retirement ceremony sa iya kundi mangin ang New Jersey Nets nga pagahiwaton naman sa Enero 2025.
Naghampang si Carter sa NBA halin 1998 tubtob 2020 kag walo ka beses nga naghampang sa All-Star games.
Siya lamang ang nagaisahanon nga player sa kasaysayan sang NBA nga naghampang sang 22 season.
-- ADVERTISEMENT --
