Gin-ako ni National Bureau of Investigation (NBI) Director Melvin Matibag nga isa ang iya asawa nga si Laguna 1st District Representative Ann Matibag sa mga mamalidha nga nagsuporta sa impeachment complaint batuk kay Vice President Sara Duterte.
Ini matapos Nga ginlakip ni Defense counsel Atty. Mark Vinluan Ang asawa ni Matibag sa ginpatigayon Nga cross-examination.
Apang gin-athag ni Matibag sa trial nga separado ang trabaho sang iya asawa bilang kongresista sa iya katungdanan bilang pinuno sang NBI.
Suno sa iya, wala naimpluwensyahan sang iya asawa ang iya trabaho, kag patas siya sa iya mga katungdanan.
Ginpahayag man ni Matibag nga nagpasugot siya nga magtestigo matapos gin-imbita Siya sang House prosecution panel.
Dugang pa sini, handa man siya nga magtestigo para sa defence camp kon siya ang imbitaron.
