MANILA, Philippines – Ginhamon ni National Bureau of Investigation (NBI) Director Melvin Matibag si Senator Alan Peter Cayetano nga mag-atubang sa masunod nga hearing sang “proper” Senate Blue Ribbon Committee nga nagaimbestigar sa gin-alegar nga anomalya sa mga flood control projects.
Ang pahayag ni Matibag nagsunod matapos ang hearing nga ginpangunahan ni Cayetano kun sa diin ginpatawag ang 18 ka anay Marines nga nagbalik sang ila alegasyon nga may gin-deliver sila nga milyon-milyon ka pesos sa mga kilalang personalidad sa pulitika.
Suno kay Matibag, nakabaton siya sang balido nga imbitasyon gikan sa “proper” Blue Ribbon Committee para sa hearing sa Lunes, apang ginpahayag niya nga indi siya magatambong sa hearing nga ginapamunuan ni Cayetano.
Naglala pa gid ang tensyon sa tunga nila matapos ang insidente sang Mayo 11 kun sa diin nagtisting ang NBI nga serbihan sang warrant of arrest si Senator Ronald Dela Rosa, nga isa sa mga kaalyado ni Cayetano.
Ginpahayag man ni Matibag nga lehitimo ang pagbag-o sang liderato sa Senado sang Hunyo 3 kag ginpabutyag ang iya pagkadismaya nga wala magtalana si Cayetano sang iya pwesto bisan pa may desisyon ang bag-ong mayorya nga bakantehon ini.
Samtang, padayon ang kontrobersiya may kaangtanan sa liderato sang Senado kag sa nagapadayon nga imbestigasyon sa flood control scandal.
