Pagatutukan sa karun ni National Bureau of Investigation Director Jaime Santiago ang madasig nga pag-isyu sang mga NBI clearances kag pagpakigbato sa mga cybercrime syndicates.
Suno diri, luyag niya nga mabalik ang pagsalig sang publiko sa NBI nga normal nga ginapatuman sang mga bag-o pungko nga hepe sang nagkalain-lain nga ahensya.
Aminado man ini nga wala sa gihapon naga-untat ang mga online scammers, rason nga luyag na niya nga tuldukan na ang kaangay sini nga mga operasyon.
Matandaan nga si Santiago ang gintal-os ni Pangulong Ferdinand Marcos kay Medardo Delemos nga nagretiro na.
Antes nangin NBI Chief, anay na ini nga retirado nga huwis kag police.
Nagtapos si Santiago sang BS Criminology sa Philippine College of Criminology (PCCR) sadtong 1988 kag napasar ang abogasya sa Manuel L. Quezon University sadtong 1993.
Nangin pulis siya sa Western Police District sumugod 1979 tubtob 2000.
Nangin acting executive/presiding judge man sang Regional Trial Courts (RTCs) sang Maynila kag Tagatay kag anay Metropolitan Trial Court Judge sang Manila City.
Nagserbi man ini bilang assistant prosecutor sang Department of Justice sumugod Oktubre 2003 tubtob Disyembre 2006.
