Ginpamatukan ni NBI Director Melvin Matibag ang pahayag ni Senate President Alan Peter Cayetano nga gin-alegar “under attack” ang Senado sang Mayo 13.
Suno kay Matibag, nag-akto lamang ang mga security personnel sang Senado base sa ila pagduda nga may pamahog halin sa NBI apisar nga wala sang aktwal nga operasyon sa sulod sang Senado.
Gin-athag man Matibag nga wala una nagkoordinar ang security sang Senado sa GSIS building security nga amo ang nagadumala sa kaiping nga building sa diin nahamtang ang mga armado nga katapo sang NBI.
Ginpanindugan man sini nga isa lamang ini ka “lapse” ukon omission bangud dapat kuntani gin-verify anay sang seguridad sang Senado ang matuod nga sitwasyon antes maghimo sang aksyon kag ideklara ang gina-alegar nga pag-atake.
Ginhatagan man niya sang importansya nga indi obligado ang NBI nga magpahibalo sa Senado bangud wala sila naga-operate sa sulod sini kag direkta lamang ang ila koordinasyon sa GSIS matapos ginpahayag nagpangayo ini sang bulig sa ahensya.
