Ginsuguran na sang National Bureau of Investigation (NBI) ang imbestigasyon sa identity kag background sang mga Ex-Marines nga gin-alegar nagserbe nga bagmen kag security aides ni Former Ako-Bicol Partylist Representatives Zaldy Co.
Suno kay NBI Director Melvin Matibag, maid-id nila nga gina-imbestigaran ang mga alegasyon nga ginhimo sang nasambit nga grupo.
Gin-engganyo man ni Matibag si Atty. Levi Baligod nga magkadto sa ila talatapan agud magbulig sa imbestigasyon.
Nakahanda man sila nga mag-issue sang subpoena agud piliton sila nga magtambong sa ila imbestigasyon.
Madumduman nga 18 ka mga anay marines ang na-expose bangud sa ginapahayag pagdeliver sang maleta nga may unod nga kwarta sa 30 ka mga opisyal sang gobyerno kalakip na sanday Presidente Ferdinand Marcos Jar kag House Speaker Martin Romualdez.
