Ginarekomendar na sang National Bureau of Investigation (NBI) sa Department of Justice (DOJ) nga pasakaan na sang kaso si Vice President Sara Duterte kaangut sa nangin pahayag sini sadto nga nag-hire na ini sang tawo para patyon si President Bongbong Marcos Jr, First Lady Liza Araneta Marcos kag House Speaker Martin Romualdez kun mapatay siya.
Suno kay NBI Director Jaime Santiago, inciting to sedition and grave threat nga kaso batuk sa bise ang ila ginarekomendar.
Napasa naman suno diri sa DOJ ang mga ebidensya nga ila natipon kag ang DOJ na ang magatimbang kun magapatigayon ang mga ini sang preliminary investigation.
Sa karon, ginakuhaan pa sang komento ukon pahayag ang bise presidente angut diri.
Suno sa OVP Staff, bangud seryoso ini nga isyu, kinahanglan pa nga hulaton kun san-o makadesisyon ang bise nga magpaguwa sang pahayag angut diri.
Matandaan nga sang damlag lang nga press briefing ni VP Duterte sa talatapan sini sa Mandaluyong sadtong February 7, ginpanginwala sini nga may ginbuy-an siya nga assassination threat. Suno sa iya, indi yadto pagpamahog sa kabuhi sang Pangulo kag first family kag ang kampo lang sini ang nagpahayag nga may assassination threat.
