Ginklaro ni Melvin Matibag, Director sang National Bureau of Investigation ukon NBI, nga wala sang kahilabtanan ang pagka-aresto kay anay Ako Bicol Partylist Representative Elizaldy Co sa International Criminal Police Organization ukon Interpol red notice.
Suno kay Matibag, naaresto ang anay kongresista bangud sa immigration violation kag indi bangud sa bisan ano nga international alert.
Nagpahayag man sang kahandaan ang NBI sa tion nga imandu ang repatriation ni Co pabalik sa Pilipinas halin sa Czech Republic.
Sa karon, ginpahayag ni Matibag nga padayon ang hugot nga koordinasyon sang gobyerno sang Pilipinas sa gobyerno sang Czech Republic agud masiguro nga nasunod ang tanan nga legal nga proseso kag mapadasig ang iya pagpauli sa pungsod.
Nauna naman nga ginpahayag ni Jonvic Remulla nga yara karon sa immigration detention facility si Co kag posible nga mabalik ini sa Pilipinas sa sulod sang isa ka semana tubtob isa ka bulan.
