Ginrekomenda sang National Bureau of Investigation (NBI) ang pagpasaka sang tatlo ka kaso nga grave threat kag isa ka kaso nga inciting to sedition batuk kay Vice President Sara Duterte.
Kasunod ini sang iya ginaalegar pagpamahog kay President Ferdinand Marcos Jr., First Lady Liza Araneta-Marcos, kag former House Speaker Martin Romualdez.
Wala ginbaton sang NBI ang paathag ni VP Sara nga “conditional” lamang ang iya pamahog nga patyon.
Suno sa NBI, maathag sa konteksto sang iya mga pahayag nga may tuyo siya nga patyon ang pamilya Marcos.
Magluwas sini, ginrekomenda man sang ahensya ang kaso nga inciting to sedition may kaangtanan sa mga pahayag ni Sara Duterte sang Oktubre kag Nobyembre 2024 sa ginpatigayon nga online press briefing, sa diin ginpahayag sini nga ginsambit ang tuman nga kaakig sa gobyerno kag sa mga opisyal sini.
Suno sa pila ka mga katapo sang House Committee on Justice, ang amo nga affidavit mahimo magserbe nga importante nga ebidensya sa impeachment proceedings batok kay VP Sara.
Padayon man ang komunikasyon sang Bombo Radyo sa bahin sang kampo ni VP Sara Duterte.
