Natalana nga ipresentar sang House prosecution panel ang mga opisyal gikan sa National Bureau of Investigation (NBI) kag House of Representatives bilang testigo sa impeachment trial ni Vice President Sara Duterte nga magasugod sa Lunes, Hulyo 6.
Sa ginsumite nga manifestation sang prosecution nagapakita nga ang una nga mga testigo nga igapresentar amo sanday NBI Regional Director Atty. Jeremy Lotoc, NBI Senior Agent John Mark Calilung, kag Legislative Security Bureau Executive Director Capt. Belinda Bello sang Office of the Sergeant-at-Arms.
Nalista ang tatlo bilang witness para sa fourth article of impeachment, nga naga-akusar sa Bise Presidente sang culpable violation of the Constitution, high crimes at betrayal of public trust may kaangtanan sa ginaalegar pamahog sang Bise Presidente nga patyon si President Ferdinand Marcos Jr., First Lady Liza Araneta-Marcos kag former House Speaker Martin Romualdez.
Pagahiwaton ang presentasyon sang mga testigo sang prosekusyon sa Hulyo 6 tubtob Hulyo 8.
