Ginpahayag ni NBI Director Melvin Matibag sa nagapadayon nga impeachment trial ni Vice President Sara Duterte nga may yara na sang mga persons of interest ang ila nga ahensya sa imbestigasyon may kaangtanan sa ginaalegar nga hitman.
Ini ang may kaangtanan sa pahayag ni Vice President Sara Duterte nga kun may matabo sa iya, may tawo na nga iya naka-estorya nga magapatay kanday President Ferdinand Marcos Jr., First Lady Liza Araneta-Marcos kag anay House Speaker Martin Romualdez.
Suno kay Matibag, posible nga isa sa mga persons of interest amo ang tawo nga ginaalegar nga nakaestorya sang mismo sang Bise Presidente.
Apang, nagpamalibad ang NBI nga ibuyagyag ang ila identity agud maprotektahan ang mga informants kag indi maapektuhan ang nagapadayon nga imbestigasyon.
Ang isyu kabahin sang Article IV sang impeachment complaint nga nagasentro sa ginaalegar nga grave threats kag inciting to sedition batok kay Vice President Sara Duterte.
