ROXAS CITY – Nagpatigayon ang National Bureau of Investigation (NBI) sang separado nga imbestigasyon natuhoy sa pagpangluthang-patay kay anay Punong Barangay Nelson Daluyo sa Brgy. Sto. Niño banwa sang President Roxas.
Sa interview sang Bombo Radyo kay Atty. Rosauro Dantis, Deputy sang NBI-Capiz, suno diri gintun-an pa nila ang mga nanliligad nga mga insidente nga pagpangpatay sa amu nga banwa kun may yara ini sang kaangtanan sa biktima.
Gintan-aw nga posible rasun sang pagpangluthang sa anay kapitan amu ang inaway sa duta ukon pulitika.
Pahayag ni Dantis, nga prayoridad sang NBI ang pagreview sang mga ginahawiran nga dokumento.Ginasiguro man sini nga pagahimuon sang NBI ang ila ikasarang agud mahatagan sang hustisya ang biktima.
Nagapangabay man si Dantis, sa mga nakasaksi ukon nakahibalo sang natabo nga makig-angut lang sa ila talapatan kag ginasiguro sini nga pagaproteksyunan.
