NBI Regional Director Atty Jeremy Lotoc, ginpanindugan nga wala nakaapekto ang pila ka typos ukon sala sa transcription sa resulta sang imbestigasyon sa ginaalegar pamahog ni VP Sara Duterte

Ginpanindugan ni NBI Regional Director Atty Jeremy Lotoc nga wala nakaapekto ang pila ka typos ukon sala sa transcription sa resulta sang imbestigasyon sa ginaalegar pamahog ni Vice President Sara Duterte batok kay President Ferdinand Marcos Jr.

Sa ginpatigayon nga redirect examination ni Atty. Virgil Ligutan, ginpanindugan ni Lotoc nga nagapabilin nga maathag ang ginaalegar purpose ukon “intent” sa pahayag ni VP Sara sa pihak sang mga sala sa transcript.

Una na nga ginkwestyon sang defense team ang mga typos, apang suno kay Lotoc, wala ini nagabag-o sang konklusyon sang ila imbestigasyon.