Suno sa National Disaster Risk Reduction and Management Council, naglab-ot na sa halos 1.6 milyon ka indibidwal ang naapektuhan sang magnitude 7.8 nga linog nga nagtay-og sa Mindanao.
Sa datos sang konseho, madamo nga pamilya ang napilitan nga magbakwit halin sa ila mga puluy-an bangud sa kadaut nga gindulot sang linog. Apektado man ang nagkalain-lain nga komunidad, imprastraktura kag mga pampubliko nga pasilidad sa pila ka lugar sa Mindanao.
Padayon naman ang paghatag sang bulig sang gobyerno kag lokal nga mga awtoridad sa mga apektado nga residente. Nagapatigayon man sang damage assessment ang mga kinamandan agud matukoy ang kabug-usan sang kadaut kag ang nagakinahanglan sang madali nga asistensya.
Sa pihak sini, ginapanawagan ang publiko nga magpabilin nga alerto sa posible nga aftershocks kag magsunod sa mga direktiba sang mga awtoridad agud masiguro ang kaluwasan sang tanan.
