Ginapatutukan sang National Electrification Administration (NEA) sa mga electric cooperative ang epekto sang bagyong Nica sa power sector.
Ginapahulag sang NEA ang mga EC nga bantayan ang linya kag supply sang kuryente samtang nagapatuloy ang bagyong Nica sa pagtabuk sini sa dalagkuan nga kadutaan sa Northern Luzon.
Advice sang ahensiya sa mga EC, kinahanglan gilayon makahimu sang restoration sa mga lugar nga temporaryo nga gin-utod ang supply sang kuryente bilang precaution sa epekto sang bagyo.
Kasubong man, ginapasiguro naman sang ahensiya ang kaluwasan sang mga power consumer kag mga linemen, ilabi na sa mga pagpamahog nga resulta sang mga natumba nga poste sang kuryente, nautod nga kawad sang kuryente, kag iban pa nga naangut sa power sector.
Ginapasumite naman sang NEA ang mga EC sang insakto kag napapanahon nga power situation report angut sa epekto sang nasambit nga bagyo.
