Ginhatagan sang pagtamod sang National Economic and Development Authority ang importansya sang patas kag masulhay nga kompetisyon sa sektor sang pagpanguma sa pungsod.
Suno kay NEDA Secretary Arsenio Balisacan, dako suno ang maibulig sini agud masiguro ang food security sa Pilipinas.
Maluwas diri, maalagaan man suno ang handum nga magka-economic transformation.
Ang pahayag ang ginhimo ni Balisacan sa nangin mensahe sini sa ginpatigayon nga 2025 Manila Forum on Competition in Developing Countries.
Diri, ginhatagan sang pagtamod sang opisyal ang dako nga papel sang agricultural sector sa food system sang Pilipinas.
Samtang, gin-istoryahan man sa nasambit nga forum ang usapin natuhoy sa impact sang globalization sa agricultural market mangin sa competition enforcement, merger control, non-tariff measures kag iban pa.
