Kumpyansa ang National Economic and Development Authority ukon NEDA nga madamu sila sang matapos nga Infrastructure Flagship Project ukon IFPs bag-o matapos ang termino ni Presidente Bongbong Marcos.
Sa Build Better More Forum, ginpahayag ni NEDA Secretary Arsenio Balisacan may yara sang monitoring system ang gobyerno agud masiguro nga indi mapostpone ang implementasyon sang mga proyekto.
Kag kun may yara man sang delayed project, kinahanglan nga may i-presenta nga catch up plan ang ahensya nga in-charge sa proyekto.
Sa idalum sang Build Better More programs sang gobyerno, yara sa 185 ang natumod nga IFPs sa nagkalain-lain nga sector tubtob tuig 2028 nga nagabalor sang kabug-usan nga 9.54 trillion pesos.
Sa karon yara sa 63 ang on-going kag may tatlo sang nakumpleto.
Kalakip sa IFPs nga nahimo na ang Samar Pacific Coastal Road project, Integrated Disaster Risk Reduction and Climate Change Adaptation Measures in Low Lying Areas of Pampanga Bay Project kag ang Flood Risk Improvement and Management project for Cagayan de Oro River.
