Negosyante, arestado matapos ginserbihan sang warrant of arrest sa Barangay Lanot, Roxas City

ROXAS CITY – Arestado ang isa ka negosyante, matapos ginserbihan sang warrant of arrest sa Sitio Manaligyo, Barangay Lanot, Roxas City kahapon Agosto 2.

Ginkilala ang nadakpan kay Monahrose Francisco alyas “Mona” 48-anyos kag residente sang nasambit nga barangay.

Paglapas sa kaso nga Estafa ang paga-atubangon ni Francisco.

Ang warrant of arrest ang gin-isyu kag ginpirmahan ni Hon. Judge Manuel Barios sang Municipal Trial Court, Branch 4, Roxas City kag napetsahan Hunyo 7, 2019.

Samtang, kapin P100,000.00 naman ang ginrekomendar nga piyansa sang korte para sa temporaryo sini nga kahilwayan.

Sa karun, yara na sa kustodiya sang Roxas City Police Station si Francisco para sa nagakaigo nga disposisyon.