ROXAS CITY – Gina-alegar ginkawatan sang isa ka unit nga armas luthang ang isa ka negosyante sa sulod sang iya salakyan samtang nakapark sa Arnaldo Boulevard Roxas City.
Ginkilala ang biiktima kay alyas Ronil, 44-anyos residente sang Inzo Arnaldo Village, Barangay Baybay, Roxas City.
Sa impormasyon nga nakuha sang Bombo Radyo, nagpark ang amo nga biktima kaupod ang iya asawa nga nagsulod sa isa ka mall apang ginbiyaan sini ang iya nga salakyan kag nagsunod sa iya asawa nga bukas ang bintana sang iya nga salakyan.
Apang sa iya nga pagbalik natalupangdan nalang sini nga naga-ululukay na ang iya nga sling bag kag wala na ang iya ginapahayag calibre . 45 nga armas luthang nga may 2 ka magazines, 10 rounds sang ammunition kag nagaduag itom nga pouch.
Madasig ini nga ginreport sa mga katapo sang kapulisan kag gilayon man nga ginpadulungan ang lugar kaupod ang SOCO.
Sa karon padayon pa ang imbestigasyon sa nasambit nga insidente.
