Ginasukot sang negosyante kag tag-iya sang “X” nga si Elon Musk ang OpenAI kag Microsoft sang 134 billion US dollars ukon P7.97 trillion.
Suno kay Musk, siya ang nagbulig sa OpenAI nga mag-umpisa sang 2015 sa diin naghatag ini sang kwarta kag naghatag sang reputasyon.
Pahayag niya, nagakita ang OpenAI sang 65.5 billion US dollars tubtob 109.4 billion US dollars samtang ang Microsoft ang nagakita sang 13.3 billion US dollars tubtob 25.1 billion US dollars nagikan sa iya nga kontribusyon.
Nagapati si Musk nga dapat may yara man siya sang parte bangud nangin kabahin siya sang kadalag-an sang OpenAI kag Microsoft.
Gintawag sang OpenAI nga “unserious” ang demand ni Musk kag nagapati nga kabahin lamang ini sang “harassment campaign” sang negosyante sa ila.
