Negosyante nagpa-blotter sa pulisya matapos nga ginaalegar ginpahog sang iya anay helper

ROXAS CITY – Nagpabalhag sang reklamo ang isa ka negosyante matapos nga ginaalegar ginpahog sang iya anay helper sa Burgos Ilawod, Barangay Tanque, Roxas City.

Sandig sa ginpabalhag nga reklamo ni Dionisio Aguana, 50 anyos kag residente sang nasambit nga barangay sa diin ginaalegar nga asud-asod ini nakabaton sang pamahug gikan sa ginareklamo nga si Ariel Patricio, sang Barangay San Jose apang temporaryo nga nagaistar sa Barangay Sibaguan, sining syudad.

Ginpahayag pa sang tagreklamo nga nag-umpisa lamang ang pagpamahug sa iya ni Patricio matapos nga ginpahalin niya ini bilang helper sang isa ka tubigan nga nahamtang sa amo nga lugar.

Bangud diri, ginpakamaayo na lamang sang tagreklamo nga ipa-rekord sa pulisya ang insidente.