Negosyante nagpabalhag sa pulisya matapos nga ginaalegar nadula ang carburador sang iya motorsiklo

ROXAS CITY – Nagparekord sa pulisya ang isa ka negosyante matapos nga nadiskubrehan na lamang sini nga wala na ang carburador sang iya nga motorsiklo sa Barangay Dayao, Roxas City.

Ginkilala ang tagreklamo nga si Wilbert Salarda 39-anyos sang nasambit nga lugar.

Sandig sa ginpabalhag sang nasambit nga reklamo nga nadiskubrehan na lamang sini nga wala na ang carburador sang iya motorsiklo nga ginpark sa guwa sang ila balay.

Ginapatihan nga posible ginkawat sang wala matumod nga suspek ang nasambit nga carburador sang motorsiklo.

Bangud diri, ginpakamaayo na lamang sang tagreklamo nga iparekord sa Roxas City PNP ang insidente.