-- ADVERTISEMENT --
ROXAS CITY – Nagparekord sa pulisya ang 34 anyos nga negosyante matapos ginaalegar ginpakahuy-an sa social media tungod sa gin-order sa iya nga mga party foods sa Arnaldo Boulevard, Roxas City.
Suno sa tagreklamo nga si Davila Whelyne Ann Alvarez sang Barangay Lawaan sining siyudad nga nag-order sa ila sang mga party products ang ginareklamo sini nga si Jebb Christian Bunda kag residente sa banwa sang Pontevedra.
Ginaalegar ni Alvarez nga ginpahuy-an siya sa social media site pinaagi sa pagpakamalaut sa mga produkto sini kaangay sang cake, cupcakes kag mga cookies matapos nga wala sini gin-uyunan.
Bangud diri, ginpakamaayo na lamang sang tagreklamo nga iparekord sa pulisya ang insidente.
